Гадаад харилцааны дэд сайд Б.Мөнхжин Казахстан улсад болж буй үйл явдлын талаар мэдээлэл өглөө. 

Тэрээр "Казахстанд 4000 орчим монгол иргэн бий. Гэхдээ одоогоор Монгол Улсын иргэн халдлагад өртсөн талаарх мэдээлэл манайд ирээгүй байна. Тухайн улсад буй иргэдтэй холбоо тогтоох боломж хомс байна. Интернет, утас тасалдаж байгаа учир холбоо барихад амаргүй байгаа. Казахстан улсын хувьд онц байдал зарлачихсан байгаа юм билээ. Монгол Улс иргэдээ татаж авах нөхцөл байдал бий болохыг үгүйсгэхгүй. Гэхдээ одоохондоо байдал тиймдээ тулаагүй байна" гэсэн юм.