15:10 2023/12/01

Өнөөдрийн хуралдаанаар Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн төсөл болон хамт өргөн мэдүүлсэн хуулийн төслүүдийг эцэслэн батлах гэж байна. 

Энэ үеэр Нийслэлийн Засаг дарга Х.Нямбаатар "Одоо хот ерөнхий төлөвлөгөөгүй явж байгаа. Манай улсад хот төлөвлөлтөөр мэргэшсэн баг бүрэлдэхүүн байхгүй. Хөгжлийн бодлого 2040-ийн хэрэгжилтэд хяналт тавих боловсон хүчний хомстолт орсон учир гадаадын өндөр мэргэжлийн байгууллагуудаар боловсруулах тендер зарлаж байгаа. 

Гаднын инженерингийн компаниудын дунд зөвлөх үйлчилгээ зарлаж Улаанбаатар хотын ерөнхий төлөвлөгөөний чиг үүргийг гэрээ, хуулийн үндсэн дээр эрх шилжүүлэн ажиллахаар төлөвлөж байна" гэв. 

14:28 2023/12/01

Байгаль орчин, хүнс, хөдөө аж ахуйн байнгын хорооны даргаар УИХ-ын гишүүн Ж.Батжаргал, Боловсрол, соёл, шинжлэх ухаан, спортын байнгын хорооны даргаар УИХ-ын гишүүн Б.Баярсайханыг тус тус сонгов. Инновац, цахим бодлогын байнгын хорооны даргаар УИХ-ын гишүүн Э.Батшугар, Ёс зүй, сахилга хариуцлагын байнгын хорооны даргаар УИХ-ын гишүүн Б.Баттөмөрийг тус тус улираан сонголоо. 

13:53 2023/12/01

УИХ-ын намрын ээлжит чуулган Төрийн ордонд болж байна. Хуралдаанаар зарим байнгын хорооны дарга нарыг сонгох, чөлөөлөх тухай асуудлыг хэлэлцэж байна.