Хотын дарга Х.Нямбаатар Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн төслийг өргөн мэдүүлсэн. Уг хуулийн төсөлд түгжрэлийн бүсийг танилцуулж, түгжрэлийн бүст зорчиход 0-27 мянган төгрөг авах зохицуулалтыг НИТХ-ын журмаар баталгаажуулах тухай ярьж байв.

Тэгвэл төлбөртэй бүст зорчиход төлбөр авах тухай заалтыг Хотын дарга Х.Нямбаатар эргүүлэн татжээ. Өөрөөр хэлбэл, сонгууль угтсан улс төр, иргэдийн шүүмжлэлийг даалгүй татсан хилсдэхгүй. Эргэн сануулбал, хуулийн төсөлд Баруун дөрвөн замаас Зүүн дөрвөн зам, 32-ын тойргоос Энхтайваны гүүр хүртэл замыг төлбөртэй бүс болгохоор тусгасан.

Төлбөртэй бүст амьдарч байгаа иргэдийн төлбөрийн 90 хувийг хөнгөлнө. Төлбөртэй бүсээс 800 метрийн орчимд төлбөргүй зогсоолд автомашинаа тавьж, хотын төв рүү алхах, дугуй скүүтерээр явах боломжийг хангах бэлтгэл ажлыг хийж байна гэж мэдээлж байв.