Монгол Улсын Ерөнхийлөгч У.Хүрэлсүхийг Хятад хэл дээр мэндчилгээ дэвшүүлсэн мэт хуурамч бичлэгийг сошиал орчинд тарааж эхэлжээ. Энэ тухай Монгол Улсын Ерөнхийлөгчийн Хэвлэл, Мэдээллийн Албаны дарга Э.Золбаяр: "Олон нийтийн сүлжээ, цахим орчинд программ ашиглан Монгол Улсын Ерөнхийлөгчийг Хятад хэлээр мэндчилгээ дэвшүүлсэн мэтээр эвлүүлэг хийсэн бичлэг тархаж эхэллээ. Монгол Улсын Ерөнхийлөгч гадаад хэлээр мэндчилгээ дэвшүүлээгүй бөгөөд аливаа олон улсын хурал чуулганд зөвхөн эх Монгол хэлээрээ мэндчилгээ дэвшүүлдэг." гэсэн байна.