Хүүхдийн тэтгэмж төлөлт 60 хувьтай байна. 40 хувь нь төлөхгүй байна

2023-10-27,   165

УИХ-ын чуулганы хуралдаанаар Иргэний хэрэг шүүхэд хянан шийдвэрлэх тухай хуульд нэмэлт оруулах тухай хуулийн төслийг хэлэлцэж байна. Энэ үеэр УИХ-ын гишүүн С.Одонтуяа гэр бүл салсны дараа шүүхийн шийдвэр гарсан ч аав нь хүүхдийн тэтгэмж өгдөггүй асуудлыг хэрхэн зохицуулж байгааг тодруулав. 

Энэ талаар Хууль зүй, дотоод хэргийн сайд Б.Энхбаяр "Гэр бүлийн шүүх, хүүхдийн тэтгэмж өгөх харилцаатай холбоотой асуудлыг Гэр бүлийн тухай хуульд тусгахаар төсөл бэлтгэж байгаа. Ирэх долоо хоногийн Засгийн газрын хуралдаанаар Шүүх байгуулах тухай болон Гэр бүлийн тухай хуулийн төслийг хэлэлцэнэ. Хэрвээ Засгийн газар хуулийн төслийг дэмжвэл УИХ-д өргөн мэдүүлнэ. Хамгийн сүүлд авсан мэдээллээр хүүхдийн тэтгэмж төлөлт 60 хувьтай байна. 40 хувь нь төлөхгүй байна. Энэ нь өмнөхөөс нэмэгдсэн үзүүлэлт юм. Нэг жилийн өмнө тэтгэмж төлөлт 50 хувьтай байсан. Шийдвэр гүйцэтгэх байгууллагаас хүүхдийн тэтгэмж төлөөгүй этгээдийг гадаадад зорчих эрхийг хязгаарлаж байна. Үүнтэй холбоотойгоор хүүхдийн тэтгэмж төлөлт 10 хувиар нэмэгдсэн" гэлээ.


Хүүхдийн тэтгэмж төлөлт 60 хувьтай байна. 40 хувь нь төлөхгүй байна
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.