Чуулганы нэгдсэн хуралдаан эхэллээ. Энэ үеэр ХЗДХ-ийн сайд Б.Энхбаяр Ч.Хүрэлбаатар сайдад хандаж ингэж хэлэв. 

-Би нэг сайдын нэр хэлж байгаад 439 сая долларын зээл авч төсөв дээр тусгалаа гэж хэллээ шүү дээ. Гурван жил сайдаар ажиллах хугацаандаа 439  сая долларын зээл авсан. Тэрийг нь ард түмэн төлж байна. Тэр мөнгөөр ард түмнийг авлигадаж ялж байна. Яасан үнэтэй суудал вэ.439 сая доллараар нэг хүнийг сайд дарга болгох гэж, сонгогчдыг нь эрхлүүлэх гэж...Тэгээд тэрийг нь татвар төлөгчдийн мөнгөөр төлөөд сууж байна. Ямар өндөр үнэтэй суудал вэ? Одоо Эдийн засгийн хөгжлийн сайд болчихсон. 

Яг энэ схемийг төсвийн хуулиар хийхдээ мэргэшсэн хүн байхгүй юу. Тиймээс би мэргэшсэн хулгайч гэж хэлсэн юм. Тэгээд яаж суулгаж байна гээд схемийг нь судлаад үзэхээр УИХ дээр танилцуулахгүй, өөхөнд боочихсон, юу юм бүү мэд. Төсөвт "зээлээр хүлээсэн үүрэг" гэдэг ганц өгүүлбэрээр суулгадаг. 2 их наяд, 3 их наяд, нэг тэрбум доллар... жил бүр.

Нөгөө нөхрийг сайд, дарга болгох сонгогчдыг хахуульдахад зориулж гадаадаас зээлсэн мөнгийг төлөх гэж бид жил бүр нэг их наядаар төсөвт суулгадаг. Задргааг нь ерөөсөө танилцуулдаггүй. 

Бидэнд юу гэж танилцуулдаг вэ гэхээр "олон улсын өмнө хүлээсэн зээлийн гэрээгээ төлөхгүй бол Монгол Улс дефолт болно. Та хэд батлахаас өөр аргагүй" гэж хэлдэг. Энэ бол Сангийн яамныханы жижүүрийн үг шүү. Төсвийн хулгай+хуулийн хулгай. Тэгэхээр мэргэшсэн хулгайч болчихож байгаа юм.