Б.ЖАВХЛАН: НӨАТ-ын буцаан олголтыг нэмэгдүүлэх боломж байхгүй

2023-10-18,   207

Улсын Их Хурлын дарга Г.Занданшатар өчигдөр (2023.10.17) Нийтийн өргөдөл хүлээн авах Улсын Их Хурлын цахим системийг танилцуулж, өөрийн зүгээс Нэмэгдсэн өртгийн албан татварын тухай хуульд өөрчлөлт оруулж, нэмэгдсэн өртгийн албан татварын буцаан олголтыг 5 хувиас доошгүй байхаар тогтоох санал байршуулснаа мэдээлсэн юм. Улмаар иргэдийн санал 100 мянга хүрвэл УИХ-аар хэлэлцүүлнэ. 

Уг асуудалтай холбогдуулан Сангийн сайд Б.Жавхлангаас тодрууллаа. 

Тэрбээр: 

НӨАТ-ын буцаан олголтыг 5 хувь болгон нэмэгдүүлэхэд 600 гаруй тэрбум төгрөгийн төсөв шаардлагатай болно. Энэ бол бага мөнгө биш. Ирэх оны төсвийн төслийг өргөн барьчихсан байгаа энэ үед дахин ийм орон зай гаргана гэдэг бол ямар ч боломжгүй зүйл. Нөгөө талаар халамж болгон иргэдийн орлогыг дэмжих гэж байгаа бол зорилтот хэсэг рүүгээ л чиглүүлэх ёстой. Түүнээс биш өндөр хэрэглээтэй иргэд рүү чиглүүлж буцаан олгох асуудал хэрхэвч байж болохгүй. Ер нь татварыг буцааж олгох, багасгах асуудал нь эдийн засгийн асар том эрсдэлийг дагуулна гэв. 


Б.ЖАВХЛАН: НӨАТ-ын буцаан олголтыг нэмэгдүүлэх боломж байхгүй
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.