Энэ тухай Эрчим хүчний сайд Б.Чойжилсүрэн “Ерөнхийлөгч У.Хүрэлсүх ирэх долоо хоногт БНХАУ-ын “Бүс ба зам” санаачилгын хуралдаанд оролцоно. Энэ үеэр Монгол-Хятадын тал хэд хэдэн баримт бичигт гарын үсэг зурна. Үүний нэг нь Эрдэнэбүрэнгийн УЦС-ын зээлийн тусгайлсан хэлэлцээрийг байгуулна. Хятадын төрийн бүх байгууллагуудын холбогдох шийдвэрүүд гарсан. Монголын талаас төслийн бэлтгэл ажлыг бүрэн хангасан. Төслийн нийт өртөг болох 266 сая ам.долларын 95 хувь буюу 253 сая ам.долларын зээлийг БНХАУ-аас авна. Зээлийн хугацаа 20 жил, хүү нь 2 хувь байна. Зээлийг 2030 оноос эхлэн эргэн төлнө” гэсэн байна. Эрдэнэбүрэнгийн УЦС-ыг 2028 онд ашиглалтад оруулахаар төлөвлөж байна.

Эрдэнэбүрэнгийн УЦС-ын бэлтгэл ажил болох иргэдийг нүүлгэн шилжүүлэх, соёлын өвийг авран хамгаалах ажлыг 2024 онд бүрэн дуусгах бөгөөд  2023 оны төсөв суусан зардлаар Соёлын яам, Эрчим хүчний яам ажлаа хийж байна” гэсэн мэдээлэл өгжээ.

БНХАУ-ын Экзим банкнаас Төрийн зөвлөлдөө Эрдэнэбүрэнгийн УЦС-ын талаарх мэдээллийг энэ сарын 31-нд хүргэнэ. Төрийн зөвлөл дэмжсэний дараа зээлийн тусгай хэлэлцээрийг энэ оны II улиралд багтаан хийх төлөвлөгөөтэй байгааг Эрчим хүчний сайд мэдээллээ.