Боловсролын ерөнхий газар, “Монголын Олон суваг дамжуулагчдын Холбоо” ГҮТББ хамтран ажиллах санамж бичиг байгууллаа. Энэхүү санамж бичгийн хүрээнд Улаанбаатар хотын ерөнхий боловсролын сургуулиудын англи хэлний анги танхимуудад олон сувгийн үйлчилгээг нэвтрүүлэх, онол практик хосолсон сургалтын жишиг орчныг бий болгож суралцагч хүүхдүүдэд мэдлэг мэдээллийг дижитал хэлбэрээр хүргэх чиглэлээр хамтран ажиллах юм.

Мөн ЕБС-ийн сурагчдад зориулсан medle.mn платформд байршсан хичээл, видео контентуудыг холбооны гишүүн байгууллагуудын видео санд үнэ төлбөргүйгээр байршуулж олон нийтэд хүртээмжтэй болгоход хамтран ажиллана.