УИХ-ын сонгуулийн 18, 28 дугаар тойрогт болох нөхөн сонгуульд есөн нам, нэг эвсэл оролцохоо илэрхийлж Сонгуулийн ерөнхий хорооноос батламжаа аваад байгаа билээ. Намууд нөхөн сонгуульд өрсөлдөх нэр дэвшигчдээ тодруулах хуулийн хугацаа 2021 оны есдүгээр сарын 1-ний 00:00 цагаар дуусгавар болж байна. Өөрөөр хэлбэл, өнөөдөртөө багтаж УИХ-ын орон гараад буй хоёр суудалд горилогчдын нэрс тодрох юм. Одоогоор нэр дэвших нь нэгэнт тодорхой болоод буй бие даагчдаас гадна "Зөв хүн" эвслээс Б.Найдалаа Сонгинохайрхан дүүрэгт нэр дэвшинэ гэдгийг ХҮН-ын дарга Т.Доржанд мэдэгдсэн. Харин эрх баригч МАН-ын нэр дэвшигч 17.00 цагт эхлэх Бага хурлын дараа тодрох нь. МАН-аас Хэнтийн 18 дугаар тойрогт хуульч Л.Батжав, МИАТ-ийн дэд захирал асан Н.Энхбаатар, Хэнтийн аймгийн Засаг дарга асан Н.Ганбямба, УИХ-ын гишүүн асан Д.Гантулга, СХД-ийн 28 дугаар тойрогт нийслэлийн Засаг даргын орлогч Ж.Сандагсүрэн, Э.Батшугар, НИТХ-ын төлөөлөгч асан С.Мөнхчулуун нар нэр дэвших магадлалтай байгаа юм.