Ургац хураалт эхэлсэнтэй холбоотойгоор газар тариалан эрхэлдэг иргэд нийслэлд жимс, хүнсний ногоо ил худалдаалах хэрэгцээ шаардлага үүсээд байгаа билээ. Харин нийслэлд орж ирэн худалдаа эрхлэх гэсэн иргэдийг цагдаа нар хөөж, торгож байна гэсэн мэдээлэл олон нийтийн сүлжээгээр тарсан. Энэхүү мэдээлэл ташаа болох талаар ЦЕГ-аас мэдээлэл хийлээ. Мэдээлэлд “Газар тариалан эрхлэгчид намартаа нийслэлийн Баянгол дүүргийн нутаг дэвсгэр 1 000 машины зогсоол”-д газар түрээслэн худалдаа эрхэлдэг байсан. Харин энэ жил Улаанбаатар төмөр зам ХНН зохих зөвшөөрлийг нь өгөөгүйгээс тус байгууллагын хамгаалагчид газар тариалан эрхлэгчдийн хооронд бага зэрэг зөрчил үүссэн. Энэ асуудлыг Нийслэлийн Захирагчийн ажлын алба, Баянгол дүүргийн ЗДТГ, цагдаагийн байгууллагын төлөөлөл очиж, учир зүйг нь олсон байгаа. Одоо уг цэг дээр 110 ногоочин үйл ажиллагаа хэвийн явуулж байгааг мэдэгдье. Нийслэлийн Засаг даргын 192 тоот захирамж гарч, нийслэлийн хэмжээнд 23 цэгт хүнсний ногоо худалдаалахыг зөвшөөрсөн. Одоо нийслэлийн нутаг дэвсгэр дээр худалдаа эрхэлсэн ногоочдыг хааж боосон, арга хэмжээ аваагүй гэдгийг мэдэгдье. Иргэдийн зүгээс цагдаагийн байгууллагатай холбогдож, зөвшөөрөлгүй газарт ногоо худалдаж, хог хаягдал хаяж, орчин бохирдуулж байна гэсэн дуудлага мэдээллийг өгдөг. Энэ тохиолдолд бид очиж, Зөрчлийн тухай хуулийн 10.4 зүйлийг баримтлан санамж сэрэмжлүүлэг өгч, зөрчлийг арилгах арга хэмжээ авч байгаа” гэжээ. 

“Алтан намар” арга хэмжээний хүрээнд төмс, хүнсний ногооны үзэсгэлэн худалдаа зохион байгуулах 23 байршил:

-УБТЗ ХНН-ийн 1000 машины зогсоолын баруун талд, УБТЗ ХНН-ийн 1000 машины зогсоолд

-Хүүхдийн урлан бүтээх төвийн хойно

-Сүхбаатар дүүргийн VII хороо, 4-р байрны хойно

-“Их тойруу” худалдааны төвийн гадна талбайд

-32-ын тойргийн дэргэд

- 17-р сургуулиас Дарь-Эхтэй холбосон шинэ зам дагуу

-33-ын автобусны буудлын дэргэд

-Ажилчдын алдар талбайд

-Яармагийн хуучин эцэст

-Буянт-Ухаа спорт цогцолборын гадна талбайд

-“Мишээл” экспо худалдааны төвд

-Цамбагарав үйлчилгээний төвийн гадна талбайд

-Орбитын тойргийн дэргэд

-Содон хорооллын талбайд

-Дүнжингарав худалдааны төвийн гадна талбайд

-Жуковын талбайд

-“Тэнгэр” худалдааны төвийн гадна талбайд

- Бага тойруу, Барилгачдын талбайд

- Самбуугийн гудамж, Ялалтын талбайд

-Налайх Соёл урлагийн ордны өмнөх Төв талбайд

-Багануур дүүргийн “Хэрлэн” худалдааны төвд

-Багахангай дүүргийн Үйлдвэр технологийн паркийн урд талбайд

-Багахангай дүүргийн Хорооны цогцолбор барилгын урд талбайд