20 дахь удаагийн жюү жицүгийн Дэлхийн аварга шалгаруулах тэмцээний тав дахь өдөр байлдааны самбогийн бөхийн отгон дэлхийн аварга, холимог тулааны тамирчин Гантөмөрийн Баяндүүрэн 62 кг-ын жинд өрсөлдөв. Дорнод аймгийн харьяат Г.Баяндүүрэн хэдийгээр тэмцээнээ дуусгасан ч 2016 онд “Garuda BJJ & MMA” академид жюү жицүгийн спортоор хичээллэн Дэлхийн тулааны спортын наадмаас хүрэл медаль хүртэж, улсын аваргад гурван удаа түрүүлсэн тамирчин.

Холимог тулаанаар ч хүч үздэг Г.Баяндүүрэн байлдааны самбогоор 2017 онд ОХУ-ын Сочи хотод болсон ДАШТ-д 57 кг-д хүрэл медалиар энгэрээ мялааж байсан бол өнгөрсөн жил Бишкект 58 кг-ын жинд алтан медаль хүртэж Монголын байлдааны самбогийн түүхэнд гурав дахь дэлхийн аварга болсон юм.