Монголын хөлбөмбөгийн шигшээ багийн хагас хамгаалагч Норжмоогийн Цэдэнбал Катар улсад хөолбөмбөгийн ДАШТ үзэж яваа билээ. Энэ удаагийн ДАШТ-ий хамгийн анхны гоолыг оруулсан /Урьдчилсан шатны хамгийн анхны тоглолт 2019 оны зургадугаар сарын 9-нд Улаанбаатар хотноо Монгол-Брунейн шигшээ багуудын хооронд болоход манайх 2:0 -ээр хожиж, Монголын шигшээ багийн ахлагч Н.Цэдэнбал анхны гоолыг оруулж байсан юм/ түүнийг Олон улсын хөлбөмбөгийн холбооноос Катарт очихыг тусгайлан урьсан юм.

Энэхүү эрхийг өөр нэг эрх дагалдсан нь ДАШТ-ий үеэр зохион байгуулагдах  "FIFA Legends Cup" оролцох эрх байсан бөгөөд энэ тэмцээнд хөлбөмбөгийн үе, үеийн одод найман багт хуваагдан тоглох юм. Тэмцээн маргааш эхэлж, нөгөөдөр дуусах бөгөөд Н.Цэдэнбал "East Tigers" багт Францын алдарт Кристиан Барембе, БНСУ-ыэ Ча Ду Ри /Европт Азийн хөлбөмбөгийн нүүр царай болж асан домогт Бум Кун Чагийн хүү/ нарын хамт тоглоно.