“ФС Улаанбаатар” зүүн бүсийн хэсгийн эхний хожлоо байгууллаа

2023-09-21,   215

 Азийн Хөлбөмбөгийн Холбооноос зохион байгуулдаг 19 дэх удаагийн цомын тэмцээний хэсгийн тоглолтонд 36 баг оролцож байна. Багууд 9 хэсэгт хуваагдан цомын төлөө өрсөлдөж байгаа бөгөөд Зүүн бүсийн хэсгийн эхний тоглолт монголын хөлбөмбөгийн холбооны талбайд боллоо

Тоглолтын шүгэл 16:00 цагт дуугарч талбайн эзний статустай "ФС Улаанбаатар" баг 4:5:2 хувилбараар талбайд гарлаа. Гарааны бүрэлдэхүүнд хаалгачаар Э.Мөнх-эрдэнэ, Д.Төрбат, Г.Бат-оргил, Г.Гандуулга, П.Ууганбаяр, О.Мижиддорж, Г.Гантогтох, Nemanja Khusevac, Э.Өнөр-Эрдэнэ, А.Тэмүүжин, Dusan Cirkovic нар нэрлэгдсэн.

Ингээд тоглолтын эхний хагаст талбайн эзэд бөмбөгийг 52%-тай эзэмшиж, хаалгаруу чиглэсэн 4 цохилт гүйцэтгэсний 3 нь амжилттай болж нэг нь гоол боллоо. Тодруулвал: Тоглолтын  34 дэхь минутанд 4 дугаартай Г.Бат-Оргил өөрийн нэр дээр эхний гоолыг бүртгүүлсэн бол зочин багийн хувьд эхний хагас хүртэл 44%-тай бөмбөг эзэмшиж, эсрэг багийн хаалга руу 7 цохисоны 2  нь оновчтой боллоо. Улмаар  тоглолтын 43 дахь минутанд Яао Ко Чи гоолдсоноор тооны харьцааг тэнцүүлсэн юм.

Харин тоглолтын 2-р хагаст “ФС Улаанбаатар” клуб илүүрхэн тоглож, 63 дахь минутанд Dusan Cirkovic гоолдсоноор тоглолтын тэргүүллийг авлаа. Улмаар тоглолтын үндсэн цаг дуусахаас 2 минутүын өмнө ФС Улаанбатар багийн легонер тоглогч S.Teofanov эцсийн гоолыг оруулснаар монголын баг хэсгийн шатны эхний хожлоо байгууллаа.

Зүүн бүсийн хэсгийн 3 удаагийн тоглолт 11-р сарын 9-ний хооронд Улаанбаатар хотод болно. ФС Улаанбаатар багийн хувьд дараагийн тоглолтоо “Тайчунг Футуро” багийн эсрэг хийнэ.


0 0
 “ФС Улаанбаатар” зүүн бүсийн хэсгийн эхний хожлоо байгууллаа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0