Загварын ертөнцийн хамгийн том арга хэмжээ гэгддэг Met Gala тавдугаар сарын 4-нд Metropolitan Museum of Art-д албан ёсоор эхэллээ. Энэ жилийн үзэсгэлэн “Costume Art” нэртэйгээр зохион байгуулагдаж, загварыг урлагийн нэг хэлбэр хэмээн тодотгосон “Fashion Is Art” дресс кодоороо онцлог болж байна.

Арга хэмжээний хамтран даргалагчаар Beyoncé, Nicole Kidman, Venus Williams болон Anna Wintour нар ажиллаж байгаа бөгөөд дэлхийн хэмжээний одод, дизайнерууд, урлаг соёлын төлөөллүүд улаан хивсэн дээр цугларчээ.

Энэ удаагийн MET Gala нь Costume Institute-ийн шинэ байнгын галерейн нээлттэй давхацсан бөгөөд 450 орчим VIP зочин оролцож, урлаг ба хувцас загварын холбоог шинэ түвшинд гаргаж буйгаар онцлог байна.

Beyoncé 10 жилийн дараа MET Gala-д эргэн ирсэн нь энэ үдшийн хамгийн их анхаарал татсан мөчүүдийн нэг болж байна.