Чөлөөт бөхийн олимпын бус жингийн дэлхийн аварга шалгаруулах тэмцээн аравдугаар сарын 28-31-ий хооронд Албаны нийслэл Тирана хотод болж байна.

Энэхүү тэмцээнд Монгол Улсын гавьяат тамирчин С. Цэрэнчимэд мөнгөн медаль хүртлээ. Манай тамирчин алтан медалийн төлөө олимп, дэлхийн хошой хүрэл медальт Рисока Кавайд 2:4 харьцаатай ялагдлаа. Түүний хувьд ийнхүү ДАШТ-ий алт, хошой мөнгөн медалийн эзэн болж байна. Сонирхуулахад, С.Цэрэнчимэд ДАШТ-д гурав дахиа алтан медалийн төлөө барилдахаар шалгарсан бөгөөд өмнө нь 2014 онд алт, 2015 онд мөнгөн медаль хүртэж байжээ.