Дорнод аймгийн Онцгой комисс, мэргэжлийн байгууллагууд Сүхбаатар аймгийн Эрдэнэцагаан, Дорнод аймгийн Халхгол, Матад сумдыг хамарсан түймрийн улмаас учирсан хохирлын хэмжээг тогтоохоор хамтарсан ажлын хэсэг гарган газар дээр нь ажиллаж байна. 

Түймэрт 12-15 гэр сууц, 16 хашаа саравч, нэг автомашин өртсөн нь  урьдчилсан байдлаар тогтоогджээ. Тиймээс гэр нь шатсан 15 айлд Улсын онцгой комиссоос гэр олгож, тээвэрлэн хүргэх ажлыг зохион байгуулж байгаа аж.