Нарны хороолол, Алтай хотхоны орчмын замын хөдөлгөөнийг нэг чигт оруулах туршилтыг хойшлуулахаар болсон талаар ЗХУТ-ийн удирдлагууд мэдээллээ.

Энэ асуудлаар УБ хотын Авто замын түгжрэлийг бууруулах нэгдсэн төслийн захирал Ч.Батзориг "Гуравдугаар сарын 28-наас эхлэн хоёр байршил, гурван уулзварт чиглэлийн хөдөлгөөний өөрчлөлт хийсэн. Эдгээр туршилтыг хэд хэдэн судгаан дээр суурилж, хэрэгжүүлж байна. Гэхдээ зарим нэг хүндрэл гарсан. Тухайлбал, тухайн орчмын айл өрхийн эсэргүүлцэлтэй тулгарсан. Гэсэн ч гурван өдрийн хугацаанд албаныхан туршилтаа хэрэгжилтийг үргэлжлүүлж байна. Бид цаашид замын хөдөлгөөний чиглэлийн өөрчлөлтийг шат дараатай явуулна. Эхлээд Зайсангийн уулзварыг нэг чигийн өөрчлөлттэй болгосон. Цаашид ЧД, СБД-ийн нутаг дэвсгэрийн зарим уулзвар дээр зохицуулалт хийнэ. Өөрчлөлтийг цуцалсан зүйл байхгүй. Нийслэлийн удирдлагын зүгээс энэ мэт арга хэмжээг авч хэрэгжүүлнэ. Туршилтын хугацаа энэ долоо хоногт дуусах ба үр дүнгийн талаарх мэдээллийг ирэх долоо хоногт дэлгэрэнгүй мэдээлэл өгөх болно" гэсэн бол ХУТ-ийн захирал С.Адъяасүрэн "Сүүлийн гурван өдөр нийгэмд багагүй хэл амтай өнгөрлөө. Бид тооцоо судалгаа, үндэслэлтэйгээр замын хөдөлгөөний чиглэлийн өөрчлөлтийг хийсэн.  Энэ нь дэлхийн бусад улс орны жишиг.  Өөрчлөлт орохоос өмнө болон дараах байдлаар ижил өдөр, цагийн харьцуулалтыг хийсэн ба тодорхой үр дүн гарсан" гэж мэдээллээ. .