Булган аймгийн Сэлэнгэ суманд гурван зорчигчтой "Портер” загварын автомашин Сэлэнгэ голын усанд унасан байж болзошгүй байна. Энэ талаар дуудлага мэдээлэл дөрөвдүгээр сарын 12 буюу уржигдар 12:53 цагт аймгийн Онцгой байдлын газар ирсэн байна.   Дуудлагын дагуу  холбогдох алба хаагчид болон ар гэрийнхэн нь “Портер” загварын ачааны автомашинтай зорчиж явсан иргэн С /47 настай, эрэгтэй/,  О /47 настай, эмэгтэй/, Б /6 настай, эрэгтэй/ нарыг эрэн хайх ажиллагааг хоёр өдрийн турш зохион байгуулж буй ч одоогоор үр дүнд хүрээгүй байна гэж Булган аймгийн Онцгой байдлын газраас мэдээллээ.