Монгол Улсын анхны эмэгтэй генерал цолтон, бригадын генерал Г.Болор. /Гэрэл зургийг Г.Аргуужин/

Батлан хамгаалахын их сургуулийн Сургалтын хэлтсийн дарга хурандаа Г.Болор өнөөдөр бригадын генерал цол хүртлээ.

Товч намтар

Овог, нэр: Ганболдын Болор.

Боловсрол: 1994 онд нийслэлийн 10 жилийн 33 дугаар сургуулийг төгссөн.

Цэргийн Их сургуульд сонсогчоор элсч, 1999 онд Цахилгаан холбооны инженер, командын офицер мэргэжлээр төгсчээ.

Г.Болор замналынхаа туршид "анхны" гэгдэх олон тохиолдлыг бий болгожээ.

Тэрбээр цэргийн сургуулийн анхны зургаан эмэгтэй сонсогчийн нэг.

АНУ-ын Нисэх хүчний команд штабын коллежийг төгссөн анхны монгол эмэгтэй офицер.

НҮБ-ын энхийг сахиулах ажиллагааны төв штабт ажилласан анхны монгол офицер.

НҮБ-ын Өмнөд Судан улсад явагдаж байгаа НҮБ-ийн UNMISS ажиллагааны хүчний штабын холбооны хэлтсийн даргаар ажилласан анхны эмэгтэй.

Өмнөд судан улсын иргэний дайны үед хүчний штабын удирдлагын холбоог тасалдуулахгүй түүхэнд анх удаа Нил мөрөн дээрх усан тээврийн холбоог амжилттай зохион байгуулж халдлагад өртсөн тээврийн усан онгоцнуудтай шуурхай холбоонд орж, байрлалыг тогтоон авран гаргах ажиллагааг явуулах үндсийг хангаж олон арван энхийг сахиулагчдын амь насыг аврахад хувь нэмэрээ оруулсан юм.

Г.Болор одоо ҮБХИС-д холбооны багш, Гадаад хэлний сургалтын төвийн дарга, сургалтын албаны дарга, дэд захирал, сургалтын хэлтсийн даргын алба хашдаг.