МУИС-ийн захиргаа бусдын толгой дээр халуун кофе асгаж, ёс зүйгүй үйлдэл гаргасан Хууль зүйн сургуулийн оюутан  Б.А-г хасах эсэх асуудлыг хэлэлцэхээр болжээ. Түүний уг үйлдэлтэй холбоотойгоор тус сургуулийн оюутнууд гарын үсэг цуглуулж, Б.А-г Хууль зүйн сургуулиас хасах санал дэвшүүлээд буй. Одоогоор нийт 18000 орчим оюутан гарын үсэг зурсан байна.

Энэ талаар тус сургуулийн хэвлэлийн төлөөлөгчөөс тодруулахад "Тухайн оюутанд сургуулийн зүгээс ямар арга хэмжээ авахыг өнөөдөр шийдвэрлэж, олон нийтэд мэдээлнэ" гэв.