Дорноговь аймагт цуваагаар явж байсан автобус, Альфард маркийн тээврийн хэрэгсэлтэй мөргөлдөж, хоёр зорчигч, Өмнөговь аймагт Х.Маяти тээврийн хэрэгслийн жолооч амь хохирсон харамсалтай, ноцтой осол энэ сарын 20-нд гарсан.

Уг ослын талаар "Автобусны ослын шалтгааныг тодруулахаар хуулийн байгууллага ажиллаж байна. Ослын улмаас хоёр хүний амь нас эрсэдсэн харамсалтай явдал болсон.

НТГ-аас шинэ автобуснуудыг оруулж ирэх зохион байгуулалтын хувьд урд, хойноо цагдаагийн байгууллагын хамгаалалт дор цуваагаар авч ирж байгаа.

Шөнийн цагаар цувааг явуулахгүй, жолооч нарыг ажлын 8 цагт багтаан автобус бариулж, холын замд явуулж байна" гэсэн мэдээллийг Нийслэлээс өглөө.