Шинээр баригдаж байгаа барилгын ажилтан өндрөөс унаж амиа алдсан харамсалтай хэрэг гарчээ. 

Онцгой байдлын газарт Нийслэлийн Баянзүрх дүүргийн наймдугаар хороонд шинээр баригдаж байгаа барилгын цахилгаан шатны хонгилоос хүний цогцос гаргаж өгнө үү гэх мэдээлэл Цагдаагийн байгууллагаас өчигдөр ирсэн байна. 

Дуудлагын дагуу алба хаагчид очиход тус барилгын захиалагч компанийн туслан гүйцэтгэгчээр ажиллаж байсан гипсэн хавтангийн бригадын ажилтан, нийслэлийн Сонгинохайрхан дүүргийн харьяат иргэн Ц /52 настай, эрэгтэй/-ын цогцсыг цахилгаан шат хийхээр бэлдсэн 4.2 метр гүнтэй нүхнээс гаргажээ.