Өнгөрсөн шөнө S'Outlets дэлгүүрийн гадна талбайд чингэлэг шатсан байна. 

Тодруулбал Онцгой Байдлын Ерөнхий Газар  /ОБЕГ/-т Сүхбаатар дүүрэг нэгдүгээр хороо, Нарны замын 45 дугаар байр Чингэлэг шатаж байна гэсэн дуудлага нэгдүгээр сарын 2-ны 01:53 цагт иржээ. 

Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход иргэн А-ын 40 тонны багтаамжтай чингэлэг шатаж байсныг шуурхай ажиллаж унтраасан талаар ОБЕГ-аас мэдээллээ.