Хятадаас 31,500 тонн дизель түлш авахаар захиалсан. Эхний ээлжийн 2,500 орчим тонн нь энэ долоо хоногт Замын-Үүдэд ирнэ

2023-12-04,   184

БНХАУ руу дизель түлш авах томоохон хэмжээний захиалга хийгээд импортлогч ААН-үүд мөнгөө төлсөн хэмээн УУХҮ-ийн сайд өнгөрсөн долоо хоногт мэдээлж байв.

Энэхүү захиалсан түлшний хэмжээ болон хэзээ ирэх талаар Ашигт Малтмалын Газрын Тосны Газраас/АМГТГ/ тодруулахад "БНХАУ-аас 31,500 тонн дизель түлш авахаар захиалгаа өгсөн. Эдгээр нь 46 вагон болох бөгөөд эхний ээлжийн 2,500 орчим тонн түлш үйлдвэрээсээ хөдөлсөн, замдаа тээвэрлэгдэж яваа. Төмөр замын ачаалал үүсэхгүй бол энэ долоо хоногийн дунд үеэр Замын-Үүдэд ирнэ.

Хятадаас газрын тосны бүтээгдэхүүн импортлоход цариг шилжүүлж, ачихад хугацаа шаардагддаг. Эхний ээлжийн түлшээ авахаар манай талаас хоосон вагоноо бэлдсэн.

Манай улс сард 90,000 гаруй тонн дизелийн түлш хэрэглэдэг, БНХАУ-аас захиалсан түлш ирснээр 10 хоногийн нөөцтэй болно.

Бензин, дизель түлш ОХУ-аас тасралтгүй импорт хийгдэж байгаа ч нийлүүлэлт нь эрэлтээ гүйцэхгүй байдалтай байгаа" гэсэн мэдээллийг өглөө.

Замын-Үүд боомтод захиалсан түлш ирчхээд ачаалал үүсгэсэн асуудал гараагүйг тодотгов.


Хятадаас 31,500 тонн дизель түлш авахаар захиалсан. Эхний ээлжийн 2,500 орчим тонн нь энэ долоо хоногт Замын-Үүдэд ирнэ
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.