“Эрдэм транс” ХХК-ны захирал Я.Эрдэмбилэгийг цагдаагийн байгууллагаас эрэн сурвалжилж эхэлжээ. Түүнийг  оруулж ирсэн автобусуудынхаа арлын дугаар болон оныг сольж, хуурамчаар бичиг баримт бүрдүүлсэн гэх хэрэгт сэжиглэн шалгаж байсан. Шалгалтын хүрээнд автобусны  бичиг баримтыг хуурамчаар үйлдэж, хуучин автобусуудыг шинэ мэтээр Авто тээврийн үндэсний төв болон нийтийн тээврийн газарт бүртгүүлсэн болохыг тогтоосон хэмээж байсан юм. Гэмт хэрэгт сэрдэгдсэн этгээд болох Ямааранзын Эрдэнэбилэгийг өнөөдрийн байдлаар цагдаагийн байгууллагаас эрэн сурвалжилж байна. Энэ хүний талаарх мэдээллийг Цагдаагийн байгууллагын 102 тусгай дугаар болон 86225533, 91863399 дугаараар хүлээн авна.
Мэдээллийн нууцлалыг чанд хадгална.