Ланд круйзер прадо-150” маркийн машин замын хажуугийн жалга руу орж, хоёр иргэн гэмтсэн байна.

Энэ талаар ОБЕГ-аас "Говь-Алтай аймгийн Шарга сумын Баянгол багийн “Ээвийн гүүр” гэдэг газар суудлын машин замын хажуугийн жалга руу орж, хоёр хүн гэмтсэн тухай дуудлагыг арваннэгдүгээр сарын 14-ний 22:44 цагт хүлээн авсан. 

Тус сум дахь Цагдаагийн хэсгийн төлөөлөгчийн ахалсан Засаг даргын Тамгын газрын ажилтнуудыг очиход Ховд аймгаас Улаанбаатар хотын чиглэлд дөрвөн зорчигчтой зорчиж явсан иргэний “Ланд круйзер прадо-150” загварын суудлын машин замын хажуугийн жалга руу орж, 72, 69 настай иргэд гэмтсэн байсныг эсэн мэнд аварч аймгийн Нэгдсэн эмнэлэгт хүргэж өгсөн" хэмэн мэдээлэв.

Өчигдөр баруун аймгуудын нутгаар цасаар шуурч, Завханы Идэр, Тэс, Ургамалд 5 мм, Цагаанхайрхан, Өвөрхангайн Бат-Өлзийд 4.0-4.3 мм, бусад нутгаар 0.0-3.8 мм цас оржээ.

Цаг уурын байгууллагаас өнөөдөр Хэнтийн, Дорнод, Сүхбаатар, Говь-Сүмбэр, Дорноговь аймгийн нутгаар цас орж, цасан шуурга шуурах тул үзэгдэх орчин хязгаарлагдаж, зам даваа, гүвээнд халтиргаа гулгаа үүсэх, хаагдаж болзошгүйг анхааруулаад байна.