Өнөө, маргаашдаа төв болон зүүн аймгуудын нутаг, говийн аймгуудын нутгийн хойд хэсгээр нойтон цас, цас орж, цасан шуурга шуурч, зам даваанд мөстөлт үүсэж, халтиргаа гулгаа нэмэгдэхийг Цаг уур, орчны шинжилгээний газраас онцгойлон анхаарууллаа. 

Арваннэгдүгээр сарын 3-ны орой Монгол орны нутгийн баруун хэсгээр 

Арваннэгдүгээр сарын 4-д нутгийн хойд хэсгээр 

Арваннэгдүгээр сарын 5-нд нутгийн зүүн хагаст өнөө, маргаашийн температураас 5-10 градусаар хүйтрэх төлөвтэй байгаа аж. 

Арваннэгдүгээр сарын 3-наас баруун аймгуудын нутгаас эхлэх уг цаг агаарын эрс өөрчлөлт нь аюулт үзэгдлийн хэмжээнд хүрч ажиглагдах нөхцөл бүрдэж байгаа юм байна. 

ЦАС ОРЖ, ЦАСАН ШУУРГА ШУУРАХ НУТГУУД

• Арваннэгдүгээр сарын 3-ны өдөр баруун аймгуудын нутаг болох Баян-Өлгий, Увс, Завхан, Говь-Алтай, Баянхонгорын хойд хэсгээр цас орж, цасан шуурга шуурна. Нутгийнхаа өмнөд хэсгээр хүчтэй салхитай. 
• Арваннэгдүгээр сарын 3-4-ныг шилжих шөнө хангайн уулархаг нутаг болон Завхан, Архангай, Хөвсгөлийн өмнөд, Баянхонгор, Говь-Алтай, Өвөрхангайн хойд хэсгээр цас орж, цасан шуурга шуурна. 
• Арваннэгдүгээр сарын 4-ны өдөр Баруун аймгуудын нутгийн зүүн хэсэг болох Завхан, Баянхонгор, Өвөрхангай, Архангай, Төв аймгийн өмнөд, Дундговийн баруун хэсгээр цас орж цасан шуурга шуурна. 
• Арваннэгдүгээр сарын 4-5-нд шилжих шөнө говийн аймгийн ихэнх нутгаар цас орж цасан шуурга шуурна. 
• Арваннэгдүгээр сарын 5-ны өдөр говийн аймгуудын нутгийн зүүн хэсэг буюу Дорноговь, Сүхбаатарын нутгаар цас орж цасан шуурга шуурч аюултай үзэгдлийн хэмжээнд хүрэхээр байна.