Өмнөговь аймгийн онцгой комиссоос аймгийн нутаг дэвсгэрт есдүгээр сарын 13-ны өглөөний 06.00 цагаас 24-ний 06.00 цаг хүртэл хөл хорио тогтоохоор болсон байна.

Хөл хорио тогтоосон хугацаанд дараах зохицуулалтуудыг хийнэ. 

-Бүх хичээл, сургалт цахимаар хичээллэнэ.

-Аймаг, сум, cуурин газраас зөвшөөрөгдсөнөөс бусад орох гарах хөдөлгөөнийг хязгаарлана.

-Нутаг дэвсгэрийн хэмжээнд орой 18.00 цагаас өглөө 05.00 цаг хүртэл иргэдийн хөдөлгөөнийг бүрэн хязгаарлана.

-Төрийн байгууллагууд 09.00-16.00 цаг хүртэл ажиллана.

-Зөвшөөрөгдсөн үйлчилгээ 07.00-17.00 хооронд ажиллана.

-Хүнс, шатахуун, эм, эмнэлгийн хэрэгсэл, барилга, уул уурхай, эрчим хүч бүтээн байгуулалтын ачаа тээвэрлэх хүсэлтийг АОК.системээр зөвшөөрөл өгнө.

-Харьяалалын бус иргэдийг нэвтрүүлэхгүй.

-Уул уурхайн ээлж солих ажиллагааг журмын дагуу зохион байгуулна.

-Нэг дор 5-аас илүү хүний бөөгнөрөл үүсгэхгүй байх журмыг мөрдөх юм байна.