Цар тахлын нөхцөл байдал хүндэрч байгаатай холбогдуулан шөнийн 22.00  цагаас хойш хатуу хөл хорио тогтоох саналыг ХӨСҮТ, Эрдэмтдийн зөвлөлөөс гаргажээ. Уг саналаа  УОК-д хүргүүлээд байгаа аж.

Саналд хөл хорио тогтоох үндэслэлийг “Халдварын тархалт нэмэгдэх шалтгаан нь хүмүүсийн бөөгнөрөл үүсгэсэн арга хэмжээ, коронавирусийн дельта хувилбарын давлагаатай холбоотой” гэж тайлбарласан байсан бөгөөд хугацааг 28 хоног хүртэл гэж оруулж өгсөн байна.  

Халдварын оргил үе есдүгээр сарын 20-25-нд тохионо гэсэн таамаглалыг ЭМЯ-наас олон нийтэд танилцуулаад буй. Одоогийн байдлаар манай улсад хоногт 3600-3900 шинэ тохиолдол бүртгэгдэж байгаа бөгөөд нийт өвчлөлийн 35 хувийг дельта хувилбар эзэлж байгаа юм.