Нийcлэлийн агаарын бохирдлыг бууруулах зорилтын хүрээнд нийслэлчүүд хоёр жилийн өмнөөс түлшиндээ сайжруулсан шахмал түлш хэрэглэж эхэлсэн билээ. Түлшийг ирэх сарын 15-наас иргэдэд худалдан борлуулахаар болжээ. Энэ жил нийслэлийн хэмжээнд шахмал түлш борлуулах 600 цэг ажиллаж, иргэдэд үйлчлэх юм байна.

Энгийн хашааны сууцыг бодвол том хэмжээний барилга байгууламжтай иргэдэд шахмал түлш хүрэлцэхгүй байх бэрхшээл гардаг байсан. “Тавантолгой түлш” компани энэ жил ийм бэрхшээлтэй ААН-үүдтэй гэрээ байгуулж, графикийн дагуу түлшийг нь олгох гэнэ. Иргэдийг сайжруулсан түлшээр хангах ажил энэ сарын 15-наас ирэх оны тавдугаар сарын 15 хүртэл үргэлжилнэ.