Хоёр жилийн өмнөөс бий болж, сурагч, эцэг эхчүүдийн талархлыг хүлээсэн сургуулийн автобус ирэх даваа гаригаас сурагчдад үйлчлэхээр болжээ. Энэ хичээлийн жилийн тухайд,  хотын төв буюу Их тойрууд байршилтай 17 сургууль, хотын захын нийтийн тээврийн үйлчилгээний хүртээмж тааруу 12 сургуулийн сурагчдад сургуулийн автобусаар үйлчлэхээр сонгож авсан байна. Хотын төвд байрлалтай сургуулийн тухайд хүүхдээ хүргэх, авах гэсэн эцэг эхчүүд автомашинаар зэрэг зорчин авто замд ачаалал үүсгэдэгтэй холбоотойгоор сургуулийн автобусаар үйлчлэх болсон бол хотын захын сурагчдын хувьд нийтэд үйлчилдэг автобусны тоо цөөн байдгаас хүлээлт үүсгэхийн сацуу хүүхэд багачууд автобусанд сууж чадахгүй хоцрох тохиолдол гардаг тул сонгожээ. Нийт 37 чиглэлд 37 автобус явах бөгөөд сургуулийн автобусаар зөвхөн бага ангийнхан бус, нийт сурагчид үйлчлүүлэх боломжтой юм байна.