Баян-Өлгий аймгийн Булган суманд өнгөрсөн сарын сүүлээр малын гоц халдварт шүлхий өвчин гарч, хорио цээрийн дэглэм тогтоогоод байсан билээ. Тэгвэл Булгантай хил залгаа Дэлүүн суманд мөн өвчний тохиолдол гарч, хорио цээрийн дэглэм тогтоожээ. Голомтын бүсээс малын шилжилт хөдөлгөөн хийх, малын гаралтай арьс, ноос, ноолуур зэрэг бүтээгдэхүүнүүдийг гадагшаа худалдан зөөвөрлөхийг хориглоод байна. Харин багуудын дунд болон бусад чиглэлд зайлшгүй шаардлагаар зорчих хүн, тээврийн хэрэгслүүдэд хяналт тавьж, ариутгал халдваргүйжүүлэлт хийсний дараа нэвтрүүлж байгаа юм байна.

Тус сумын  3, 7, 9, 12 дугаар багт наймдугаар сарын 31-ний өдрийн байдлаар малын гоц халдварт шүлхий өвчний 13 тохиолдол бүртгэгдээд байгаа юм.

Хорио цээрийн дэглэм тогтоосонтой холбогдуулан тус сумын Тэмээн хүзүү, Дунд гарам, Байзын гүүр, Хагын даваа,  Бэлийн даваа, Бүргэдийн хавцал зэрэг 7 газарт хяналтын цэг гарган ажилуулж эхэлжээ.