Сангийн сайд Б.Жавхлан өнөөдөр /2023.10.03/ Эдийн засгийн сэтгүүлчидтэй өглөөний уулзалт хийж, 2024 оны төсвийн төслийг танилцууллаа. 

Төсөвт нүүрсний экспортыг 60 сая тонн, эдийн засгийн өсөлтийг 7 хувьд хүргэх, инфляцыг 8,5 хувьд хүртэл бууруулахаар тусгалаа.

Засгийн газраас ирэх 2024 онд уул уурхайн бүтээгдэхүүнийг ил тод биржээр арилжаалах, хилийн боомтын дэд бүтцийг хөгжүүлэх, экспортыг нэмэгдүүлэх арга хэмжээг авч хэрэгжүүлснээр төсвийн нийт орлогыг 27.2 их наяд төгрөг хүрнэ гэж тооцлоо.

Мөн;

Зэсийн баяжмалыг 9000 ам.доллароор 1,5 сая тонн

Төмрийн хүдрийг 84 ам.доллароор 8,4 сая тонн

Газрын тосыг нэг баррелийн  83 ам.доллароор 4,8 сая тонныг экспортолно.