Хөдөлмөр, халамжийн үйлчилгээний ерөнхий газраас наймдугаар сард хүүхдийн мөнгө, тэтгэвэр, тэтгэмж олгох хуваарийг гаргажээ.Нийгмийн халамжийн тэтгэвэр, асаргааны тэтгэмж, амьжиргааг дэмжих мөнгөн тэтгэмж, ахмад настан, хөгжлийн бэрхшээлтэй иргэнд олгох дэмжлэг хөнгөлөлт, алдар цолтон, ахмад настанд олгох хөнгөлөлт тусламж, олон нийтийн оролцоонд түшиглэсэн халамжийг наймдугаар сарын 11, 25-нд олгоно. Харин хүүхдийн мөнгөн тэтгэмжийг наймдугаар сарын 20-нд, насны хишгийг наймдугаар сарын 25-нд, хүнс тэжээлийн дэмжлэгийг наймдугаар сарын 11-нд, олон хүүхэдтэй өрх толгойлсон эцэг, эхийн тэтгэмжийг наймдугаар сарын 20-нд тус тус олгох хуваарьтай байна.