Монгол Улсад энэ оны эхний хоёр сард импортолсон барааны хамгийн их буюу 30.2 хувийг 475.6 сая ам.доллар үнийн дүн бүхий эрдэс бүтээгдэхүүн эзэлж байна.

Үүнээс нефтийн бүтээгдэхүүн 408 сая ам.доллар буюу 85.8 хувийг нь бүрдүүлж байгааг Гаалийн ерөнхий газар мэдээлэв.

Түүнчлэн, энэ оны хоёрдугаар сарын байдлаар 12,228 ширхэг суудлын авто машин импортолсон нь өнгөрсөн оны мөн үеийнхээс 53.9 хувиар багассан бол 218.9 мянган тонн авто бензин импортолсон нь өмнөх оны мөн үеийнхээс 41.7 хувиар нэмэгджээ.