Үндэсний статистикийн хорооноос мэдээлснээр 2026 оны хоёрдугаар сарын 02-ны байдлаар Улаанбаатар хотын гол нэрийн хүнсний барааны дундаж үнэ өмнөх сараас 2.1 хувь, харин өмнөх долоо хоногоос 0.2 хувиар нэмэгдсэн байна.

Хамгийн их өсөлт махны төрлүүдэд гарчээ. Тухайлбал, хонины мах, үхрийн мах, адууны махны үнэ өмнөх сарын дунджаас 3-4 хувиар өссөн байна. Энэ нь өвлийн улиралд махны нийлүүлэлт багасдаг, зардал нэмэгддэгтэй холбоотой юм.

Харин сүүний төрлийн бүтээгдэхүүний үнэ харилцан адилгүй өөрчлөгдсөн байна. Задгай сүүний үнэ буурсан ч зарим савласан сүүний үнэ өссөн байна. Харин тараг, цөцгийн тос зэрэг бүтээгдэхүүний үнэ тогтвортой хэвээр байгаа юм.