Дэлхийн зах зээл дээр алтны үнэ анх удаа нэг унц нь $4,600-ыг давж, түүхэн дээд амжилт тогтоолоо. Спот алтны үнэ арилжааны явцад $4,600.33 хүртэл өссөн талаар олон улсын мэдээллийн агентлаг Reuters мэдээлэв. 

Шинжээчдийн үзэж буйгаар алтны үнэ ийнхүү огцом өсөхөд геополитикийн тодорхойгүй байдал, санхүүгийн зах зээл дэх эрсдэл, мөн аюулгүй хөрөнгөд хандах эрэлт нэмэгдсэн нь голлон нөлөөлжээ. Түүнчлэн АНУ-ын Төв банкны бодлоготой холбоотой эргэлзээ, долларын ханшийн сулрал алтны үнийн өсөлтийг дэмжсэн байна. 

Алтны үнэ өнгөрсөн нэг жилийн хугацаанд 70 орчим хувиар өссөн нь эдийн засаг, улс төрийн өргөн хүрээтэй тодорхойгүй байдлыг илтгэж байна.  Алттай зэрэгцэн мөнгө (silver) ч мөн шинэ дээд түвшинд хүрч, үнэт металлын зах зээлд өсөлтийн хандлага давамгайлж байгааг онцолжээ.