Үндэсний статистикийн газраас гаргасан өргөн хэрэглээний бараа бүтээгдэхүүний үнэ ханшийн талаарх мэдээллийг хүргэж байна.

Улаанбаатар хот болон хөдөө орон нутгийн томоохон худалдааны төвүүдэд зарагдаж буй гол нэрийн хүнсний бүтээгдэхүүний дундаж үнийн мэдээллийг арванхоёрдугаар сарын 15-ны өдрийн байдлаар харвал, өргөн хэрэглээний бараа бүтээгдэхүүн өмнөх сараас 2.2 хувиар, өмнөх долоо хоногоос 0.6 хувиар өссөн үзүүлэлтэй гарчээ. Нийслэлийн томоохон худалдааны төвүүдэд хонины мах кг нь 16,957 төгрөг, үхрийн мах кг нь 21,259 төгрөг, ямааны мах кг нь 13658 төгрөг, сонгино кг нь 4151 төгрөгийн үнэтэй байна. Үүнээс гадна нэгдүгээр гурил кг нь 2493 төгрөг, сүү /задгай, литр/ 5012 төгрөг, элсэн чихэр кг нь 4997 төгрөг, цагаан будаа кг нь 4951 төгрөг, дотоодын төмс кг нь 2761 төгрөгөөр тус тус худалдаалж байна.

Мөн АИ-92 бензин литр нь 2590 төгрөгөөр шатахуун түгээх станцуудаар борлуулагдаж байна.