Нью Йоркийн барааны бирж дээр алтны үнэ түүхэнд анх удаа нэг унц нь 3949 ам.долларт хүрчээ. 12 дугаар сард нийлүүлэгдэх фючерс үнэ 3950 ам.долларт хүрч, өмнөх арилжаануудаас нэг хувиар өссөн байна.

Шинжээчдийн тооцоолсноор, энэ оны сүүлч гэхэд алтны үнэ нэг унц нь 4000 ам.долларыг давж магадгүй байна. Шалтгаан нь геополитикийн нөхцөл байдал болон Холбооны нөөцийн сангийн хатуу бодлоготой холбоотой. АНУ, БНХАУ-ын хооронд худалдааны дайн сэргэх, Ойрх Дорнодын мөргөлдөөн гүнзгийрсэн тохиолдолд алтны үнэ нэмэгдэх талтай.

Энэ тохиолдолд АНУ-д инфляц өсөж, Холбооны нөөцийн сан бодлогыг хүүгээ өндөр түвшинд байлгах зорилгоор мөнгө, зээлийн бодлогоо чангаруулахаас өөр аргагүйд хүрнэ гэж шинжээчид онцолжээ.