Уул уурхайн салбарын үйл ажиллагаа суларч, макро эдийн засгийн орчин муудсан ч Монголын эдийн засгийн үйл ажиллагаа 2025 оны эхний хагаст тогтвортой хэвээр байна гэж орон нутгийн хэвлэлүүд ням гарагт Европын сэргээн босголт хөгжлийн банкнаас (ЕСБХБ) эш татан мэдээллээ.

 ЕСБХБ Төв Азийн орнуудын 2025, 2026 оны эдийн засгийн төлөв байдлын тайландаа Монгол Улсын эдийн засгийг 2025 онд 5.8 хувь, 2026 онд 5.5 хувиар өснө гэж таамаглаж байгаа талаар “Ийгл Ньюс” телевиз мэдээллээ.

 Монгол Улсын дотоодын нийт бүтээгдэхүүн (ДНБ) 2025 оны эхний хагаст 5.6 хувиар өссөн нь голчлон хөдөө аж ахуйн салбар дахь эрчимтэй өсөлт, үйлчилгээний салбарын өсөлт үргэлжилсэнтэй холбоотой гэж ЕСБХБ-аас мэдээллээ.

 Одоогоор Монгол Улсын эдийн засаг уул уурхайн салбар болон эрдэс баялгийн экспортоос ихээхэн хамааралтай байгаа. 2025 оны эхний найман сарын байдлаар манай улсын нийт экспортын 93 хувийг зэс, төмрийн хүдэр, боловсруулаагүй буюу хагас боловсруулсан алт зэрэг уул уурхайн түүхий эд эзэлж байна.

Эх сурвалж: Xinhua