Хуульч О.Батхүү "Үл хөдлөх хөрөнгө борлуулахад төлдөг 2 хувийн татварыг хүчингүй болгох шаардлагатай байна. Хүмүүс байр орон сууц авахдаа зээлээр авдаг. Зээлийн хүү төлбөр төлөхдөө өөрийн цалин орлого буюу татвар төлсөн мөнгөөрөө төлдөг. Мөн байр орон сууц бол хүний анхдагч хэрэгцээ. Дэлхийн бусад улсад амьдран суугаа байшин, байр орон сууцаа зарахад татвар төлдөггүй. Учир нь энэ бол ашиг орлого олох бизнес биш. Иймд энэхүү 2 хувийн татварыг цуцлах шаардлагатай" хэмээн өргөдөл санаачилж нийтийн өргөдөл гомдлын цахим системд байршуулсан. 

Наймдугаар сарын 15-нд оруулсан уг өргөдлийг өнөөдрийн байдлаар 55,887 хүн дэмжиж, гарын үсэг зураад байна. Хуулийн төсөл санаачлах саналыг 100 мянган иргэнд дэмжсэнээр биелэх боломжтой. Тодруулбал, Нийтийн өргөдөл, гомдол нь өргөдөл санаачлагчид, өргөдлийн агуулга, тухайн асуудлаар гаргуулахыг хүссэн шийдвэр гэсэн 3 үндсэн хэсэгтэй байна. 

• 39.4.1.Хуулийн төсөл санаачлах саналыг 100,000 ба түүнээс дээш тооны иргэн дэмжсэн бол.
• 39.4.2.Байнгын хорооны эрхлэх асуудлын хүрээнд хяналт шалгалт явуулах саналыг 70,000 ба түүнээс дээш тооны иргэн дэмжсэн бол.
• 39.4.3.Тодорхой асуудлаар ажлын хэсэг байгуулах саналыг 33,000 ба түүнээс дээш тооны иргэн дэмжсэн бол.

Иргэн та ЭНД дарж саналаа өгөөрэй.