Үндэсний статистикийн хорооны мэдээлснээр, 2025 оны зургаадугаар сарын 16-ны байдлаар Улаанбаатар хотод гол нэрийн өргөн хэрэглээний зарим барааны үнийг танилцууллаа. Тэрбээр, 

• Өмнөх сараас 1.7 хувиар

• Өмнөх 7 хоногоос 0.1 хувиар тус тус өссөн байна.

Тодруулбал, томоохон зах худалдааны төвүүдээр хонины мах 14,873 төгрөг, үхрийн мах 18,683 төгрөг, ямааны мах 12.297 төгрөгийн үнэтэй худалдаалж байгаа бол нэгдүгээр зэргийн гурил кг нь 12.647 төгрөг,  сүү /задгай, литр/ 3568 төгрөг, элсэн чихэр кг нь 4252 төгрөг, цагаан будаа кг нь 4073 төгрөгийн үнэтэй байна.

Энэхүү өөрчлөлт нь голчлон хүнсний бүтээгдэхүүн, шатахуун, өргөн хэрэглээний бараанд ажиглагдаж буй ба үнэ өсөлтийн хандлага тогтвортой үргэлжилж байгааг мэргэжилтнүүд анхааруулж байна.

Тухайлбал, мах, гурил, хүнсний ногоо зэрэг өдөр тутмын хэрэглээтэй бүтээгдэхүүний үнэ бага зэрэг өссөн бол импортын нөлөөгөөр зарим хүнсний бүтээгдэхүүний ханш огцом хэлбэлзэх эрсдэлтэй байгааг судлаачид онцолж байна.

Холбогдох байгууллагууд инфляцын дарамтыг бууруулах чиглэлд арга хэмжээ авахаар ажиллаж буй ч, иргэдийн худалдан авах чадварт үнэ өсөлт шууд нөлөөлсөөр байгаа ажээ.