Улсын  нэгдсэн  төсвийн  нийт  орлого,  тусламжийн хэмжээ  2025 оны эхний  5 сарын урьдчилсан гүйцэтгэлээр 11.4 их наяд төгрөг болж, өмнөх оны мөн үеэс 1.3 (10.6%) их наяд төгрөг, тэнцвэржүүлсэн орлого тусламжийн хэмжээ 10.7 их наяд төгрөг болж, өмнөх оны мөн үеэс 1.4 (11.3%) их наяд төгрөгөөр тус тус буурсан байна.

Энэ нь төсвийн бодит орлого буурч, зарим эх үүсвэрүүдийн тасалдал, санхүүжилтийн бүтэц сул байгааг илтгэж болзошгүй гэж эдийн засагчид үзэж байна.

Төсвийн орлого нэмэгдэж байгаа хэдий ч тэнцвэржүүлсэн орлогын бууралт нь улсын төсвийн алдагдлыг гүнзгийрүүлэх нэг гол хүчин зүйл болж байгаа бөгөөд ийнхүү 2025 оны эхний 5 сард төсвийн тэнцэл 259.9 тэрбум төгрөгийн алдагдалтай гарахад хүрсэн юм.

Мэргэжилтнүүдийн зүгээс орлогын бүтцийг оновчтой болгох, хөрөнгө оруулалтын үр ашигт анхаарах, зарлага хянах бодлогыг эрчимжүүлэх шаардлагатайг онцолж байна.