2025 оны тавдугаар сарын эцсийн урьдчилсан гүйцэтгэлээр Монгол Улсын мөнгөний нийлүүлэлт (M2) 41.5 их наяд төгрөгт хүрсэн байна. Энэ нь өмнөх оны мөн үетэй харьцуулахад 2.5 их наяд төгрөгөөр (6.3%) нэмэгджээ.

Мөнгөний нийлүүлэлтийн өсөлтөд төгрөгийн хадгаламжийн огцом өсөлт голлон нөлөөлсөн байна. Тодруулбал, 2024 оны мөн үетэй харьцуулахад төгрөгийн хадгаламж 3.4 их наяд төгрөгөөр буюу 18.0%-иар өссөн нь энэхүү өөрчлөлтийн гол хөшүүрэг болсон гэж Монголбанкны мэдээлэлд дурджээ.

Ийнхүү төгрөгийн хадгаламж өсч байгаа нь валютын ханш тогтворжих, иргэдийн дотоодын мөнгөнд итгэх итгэл нэмэгдэж буйн илрэл хэмээн эдийн засагчид дүгнэж байна.