Гэр бүл хөдөлмөр, нийгмийн хамгааллын яамнаас Монголбанкны ерөнхийлөгчид хандан тэтгэврийн зээлд тавьсан шалгуур нөхцлийг зөөллөж өгөх хүсэлт тавьсан. Ингэснээр Монголбанкнаас хоёрдугаар улиралд багтаан тэтгэврийн зээлийн шалгуурыг хуучин хэвэнд нь оруулна гэж мэдээллээ. Тодруулбал, Монголбанкны Мөнгөний бодлогын хорооноос тэтгэвэр барьцаалсан зээл дээр зээлээ төлөөд үлдсэн нь тухайн ахмад настны амьжиргааг залгуулах хэмжээнд байх зохицуулалтыг Гэр бүл, хөдөлмөр нийгмийн хамгааллын яамны хүсэлтийн дагуу хийсэн. Гэвч уг зрхицуулалт хатуудсан гэж үзсэн учраас дахин өөрчлөлт хийхийг хүссэн юм. Өөрөөр хэлбэл тэтгэврийн зээлийг буцааж хуучин горимд нь шилжүүлэх бөгөөд ахмадуудынхаа амьжиргааны орлогыг хамгаалах зорилгоор хийсэн одоогийн зохицуулалт иргэдэд оновчтой биш байгаа дээр санал нэгдэж, ирэх зургаадугаар сарын 1-нээс хуучин журмаар олгохоор боллоо.