Монголбанкны өчигдрийн албан ханшаар нэг ам.доллар 3569 төгрөгтэй тэнцэж байна. Энэ нь дөрөвдүгээр сар гарснаас хойш нэрлэсэн ханш 78 төгрөгөөр чангарсан дүн болж байгаа юм. Өнөөдрийн байдлаар арилжааны банкууд нэг ам.долларыг 3540-3559 төгрөгөөр авч 3555-3587 төгрөгөөр зарж байна. Тэгвэл валют арилжааны "найман шарга" төвд нэг ам.доллар өчигдөр орой 18:22 цагийн байдлаар 3585 төгрөгөөр авч 3595 төгрөгөөр арилжиж байлаа.

Он гарсаар Монгол төгрөгийн ам.доллартай харьцах ханш суларсаар гуравдугаар сард Монголбанкны нэрлэсэн сарын дундаж ханш 3475.38 төгрөг болж, өмнөх оны мөн үеэс 99.2 төгрөгөөр, өмнөх сараас 16.2 төгрөгөөр суларсан болохыг ҮСХ-ны нэгдүгээр улирлын урьдчилсан гүйцэтгэлийн тайланд дурджээ.