“Эрдэнэс Тавантолгой” ХК-ийн хувьцааны ногдол ашгаа бэлэн мөнгөөр авах, хуримтлуулах, нийгмийн төсөл хөтөлбөрт зарцуулах гэсэн сонголттойгоор E-Mongolia аппликэйшнээр дамжуулан иргэдээс санал авч байгаа. 

Цахим хөгжил, инновац харилцаа холбооны яамнаас гаргасан мэдээгээр өнөөдөр /2025.02.24/-ийн 12:00 цагийн байдлаар E-Mongolia –гаар дамжуулан нийт 400,232 иргэн саналаа өгчээ.

Эндээс 1128  иргэн хувьцааны мөнгөө нийгмийн сайн үйлс, төсөл хөтөлбөрт хандивлах санал гаргасан бол 19154 иргэн ирээдүйд хэрэглэхээр хуримтлалын санд хадгалуулах, 379,950 иргэн буюу 94.93 хувь нь ногдол ашгаа бэлнээр авах санал илэрхийлжээ. Санал асуулгыг хоёрдугаар сарын 26-ныг хүртэл авна.