“УИХ таныг сонсож байна” цэсэнд иргэдээс хамгийн их ирүүлсэн саналын нэг нь "Зээлийн мэдээллийн сангийн" асуудал байсан. Өмнө нь иргэн хэвийн зээлээ бүрэн төлж барагдуулсан ч мэдээлэл нь цаг тухайд нь шинэчлэгддэггүйгээс болж зээлийн оноо буурах, улмаар дахин зээл авах боломжгүй болох зэрэг хүндрэлүүд гарсаар ирсэн. Тэгвэл иргэдийнхээ саналын дагуу уг асуудлыг шийдвэрлэх 30 хоногийн хугацаатай чиглэлийг Монголбанкинд өгч ажилласны үр дүнд Монгол банкнаас технологийн дэвшил ашиглан иргэн гэрээнд заасан хугацаандаа зээлээ төлж барагдуулсан даруйд мэдээлэл нь шууд шинэчлэгдэх боломжтой боллоо. Энэхүү өөрчлөлт хэрэгжиж эхэлснээр иргэдийн санхүүгийн хэрэгцээгээ саадгүй шийдвэрлэх боломжтой болж байна.

Түүнчлэн цаашид шаардлагатай холбогдох журмуудыг шинэчлэх, сайжруулах ажлууд үе шаттайгаар хийгдэж байна.