Хуурамч хаяг, бот сүлжээний нөхцөл байдлыг үнэлэх, санал боловсруулах ажлын хэсэг байгуулахаар боллоо. Үндэсний аюулгүй байдал, оюун санааны тусгаар тогтнол, дотоод аюулгүй байдал, хүүхэд, гэр бүл, үндэсний өв соёл, хүний нэр төр, төрийн институцийн дархлаанд сөргөөр нөлөөлж буй хууль бус болон хортой контент, зохион байгуулалттай худал мэдээлэл, хуурамч хаяг, бот сүлжээний нөхцөл байдлыг үнэлэх, төрийн бодлого, эрх зүйн шинэчлэлийн санал боловсруулах үүрэг бүхий салбар дундын ажлын хэсгийг Хууль зүй, дотоод хэргийн сайд С.Амарсайханы тушаалаар байгуулахаар боллоо.